«Սպարտակը» Թուրքիայում հավաքներ չի անցկացնի
Մոսկովյան «Սպարտակի» պաշտոնական կայքը հայտնում է, որ առաջիկա ձմռանը որևէ ուսումնամարզական հավաք չի անցկացնելու Թուրքիայում:
«Ձմեռային դադարի ժամանակ «Սպարտակը» ծրագրել էր 7 հավաք անցկացնել Թուրքիայի տարածքում: Այս հավաքներից երեք հավաք անցկացնելու էր «Սպարտակ-2»-ը, երեքը՝ փոխարինողների թիմը, մեկը՝ գլխավոր թիմը:
Որոշում է կայացվել չեղյալ համարել այդ հավաքները: «Սպարտակի» ղեկավարությունն այլընտրանքային տարբերակներ է փնտրում, որ ակումբի բոլոր թիմերը կարողանան ինչպես հարկն է պատրաստվել մրցաշրջանի գարնանային հատվածին»,- ասված է պաշտոնական հայտարարությունում:
Նման որոշման պատճառ է դարձել քաղաքական լարված վիճակը: Հիշեցնենք, որ Թուրքիայի ռազմական ուժերը Թուրքիայի և Սիրիայի սահմանին մոտ կործանել են ռուսական «Су-24» օդանավ:
Սիրարփի Աղաբաբյան
