Ֆրանսուա Օլանդն շտապ խորհրդակցություն է հրավիրել Ելիսեյան պալատում
ՏԱՍՍ գործակալության փոխանցմամբ՝ Ֆրանսիայի նախագահ Ֆրանսուա Օլանդն շտապ խորհրդակցություն է հրավիրել Ելիսեյան պալատում՝ Փարիզի Սեն Դենի արվարձանում տեղի ունեցած հերթական կրակոցների և ոստիկաության հատուկ գործողությունները քննարկելու նպատակով: Ոստիկանությունը փակել է Սեն Դենիի բոլոր դպրոցները, ուսումնական մյուս հաստատությունները: Փակ են նաև արվարձանում գըշտնվող բոլոր խանութները: Ըստ գործակալության՝ բնակիչներին զգուշացրել են տանից դուրս գալ միայն ծայրահեղ անհրաժեշտության դեպքում: Դադարեցվել է նաև Սեն Դենի երթևեկությունը, քանի որ ոստիկանությունը չի բացառում, որ սպանված ահաբեկիչների հանցակիցները տարածքում լինեն:
