Ռուսաստանը զենքով լի դեսանտային նավ է ուղարկել Սիրիա
Սիրիական բանակի համար նախատեսված ռազմամթերքով ու զենքով լի Caesar Kunikov մեծ դեսանտային նավը հատել է Սև ծովը ու դուրս է եկել Միջերկրական ծով: Այս մասին հայտնում են թուրքական ԶԼՄ-ները՝ հրապարակելով նավի լուսանկարը, որը հատում է Բոսֆորը:
Caesar Kunikov-ը մասնակցում է Սիրիայի կառավարական բանակի համար զինամթերք մատակարարելու օպերացիային:
Օպերացիան հայտնի է «Սիրիական ճեպընթաց» պաշտոնական անվանմամբ:
Դիտորդների կարծիքով՝ նավը ուղևորվել է Սիրիայի Տարտուս նավահանգիստ, որտեղ գտնվում է Ռուսաստանի ռազմածովային ուժերի նյութատեխնիկական ապահովման կայանը:
