Սուրիկ Խաչատրյանի եղբորորդուն մեղադրանք է առաջադրվել
Սուրիկ Խաչատրյանի եղբորորդուն՝ Մայիս Խաչատրյանին, մեղադրանք է առաջադրվել: Նրան մեղադրանք է առաջադրվել Գորիսի «Սդղի գյոլ» կոչվող տարածքում տեղի ունեցած միջադեպի գործով:
Մեզ հետ զրույցում ՀՀ ոստիկանության հասարակայնության հետ կապի և լրատվության վարչությունից հայտնել էին, որ Մայիս Խաչատրյանը հայտնաբերվել է երեկ՝ 15:40-ի սահմաններում՝ Գորիսի տարածաշրջանից:
Նա որպես մեղադրյալ ներգրավվել էր Գորիսի Սդղի գյոլ կոչվող տարածքում տեղի ունեցած միջադեպի գործով. նա որպես մեղադրյալ էր ներգրավվել ՀՀ քրեական օրենսգրքի 113-րդ հոդվածի 2-րդ մասի 3-րդ կետով. քննիչը միջնորդություն էր ներկայացրել դատարան՝ նրա նկատմամբ խափանման միջոց կալանավորումը կիրառելու վերաբերյալ, ինչը բավարարվել էր և հունիսի 15-ին հայտարարվել էր հետախուզում։
