Ներսիկ Նազարյանի բիզնեսը սնանկ է ճանաչվել
Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի վճռով՝ «Բիզնես Լիդեր Հոլդինգ» սահմանափակ պատասխանատվությամբ ընկերությանը սնանկ է ճանաչվել: Դատարանի վճռով՝ բավարարվել է «Բիզնես Լիդեր Հոլդինգ» ՍՊԸ-ն սնանկ ճանաչելու պահանջի մասին «Ամերիաբանկ» ՓԲԸ դիմումը:
Դատարանը վճռել է «Բիզնես Լիդեր Հոլդինգ» ՍՊԸ-ից հօգուտ «Ամերիաբանկի» բռնագանձվելիք 500.000 դրամ վճարված պետական տուրքի գումարը գրանցել «Սնանկության մասին» ՀՀ օրենքի 82-րդ հոդվածի 1-ին մասի դ կետով նախատեսված դատական ծախսեր խմբում:
Ըստ ՀՀ կառավարության էլեկտրոնային ռեգիստրի տվյալների՝ «Բիզնես Լիդեր Հոլդինգի» հիմնադիրն Արմեն Նազարյանն էթ՝ Երևանի նախկին ոստիկանապետ Ներսես Նազարյանի որդին:
Դատարանի այս վճիռը օրինական ուժի մեջ մտնելուց հետո տասնհինգօրյա ժամկետում կարող է բողոքարկվել վերաքննիչ քաղաքացիական դատարան:
