Հունգարիան փախստականներից պաշտպանվելու նպատակով սկսել է պատ կառուցել Խորվաթիայի հետ սահմանին
Հունգարիայի վարչապետ Վիկտոր Օրբանը նախազգուշացրել է իր խորվաթ գործընկերոջը՝ Զորան Միլանովիչին, այն մասին, որ Հունգարիան սկսել է սահմանային պատ կառուցել իր կողմից: Նման հայտարարություն Օրբանն արել է՝ ելույթ ունենալով հունգարական М1 հեռուստաալիքի եթերում:
Այն բանից հետո, երբ սեպտեմբերի 15-ին Հունգարիան ավարտեց 170 կմ-անոց պատի կառուցումը Սերբիայի հետ սահմանին, որոշեց նաև երկարեցնել այդ պատը դեպի արևելք՝ Ռումինիայի հետ սահմանը ու դեպի արևմուտք՝ հունգարա-խորվաթական սահմանը:
Երեկ Ռումինիայի հետ սահմանի մերձակայքում հունգարական կողմն սկսել է ապագա պատի կառուցման հետախուզական աշխատանքները:
2015թ. սկզբից Եվրամիություն է ժամանել շուրջ 500 հազար ներգաղթյալ, ամեն օր նրանց շարքերը ստվարանում են:
