Սերժ Սարգսյանը շնորհավորական հեռագիր է հղել ՀՀ արվեստի վաստակավոր գործիչ Հենրիկ Մարգարյանին՝ 90-ամյակի առթիվ
Նախագահ Սերժ Սարգսյանը շնորհավորական հեռագիր է հղել Հայաստանի Հանրապետության արվեստի վաստակավոր գործիչ, կինոռեժիսոր Հենրիկ Մարգարյանին՝ ծննդյան 90-րդ տարեդարձի կապակցությամբ, մաղթել հոբելյարին առողջություն և ամենայն բարիք՝ բարձր գնահատելով նրա երկարամյա գործունեությունը, որով կինոռեժիսոր Հենրիկ Մարգարյանը նպաստել է հայ կինոարվեստի և հեռուստատեսության զարգացմանը:
