Չինացին փորձել է վաճառել երիկամը՝ հանուն նոր iPhone 6s-ի
Չինաստանի Յանչժոու քաղաքի բնակիչներից մեկը որոշել է վաճառել երիկամը, որպեսզի գնի վերջին սերնդի iPhone:
Նման խորհուրդ տղամարդուն տվել էր նրա ընկերը՝ Խուանը, առաջարկելով օգնել այդ հարցում, սակայն չինացին վերջին պահին հրաժարվել էր երիկամը վաճառելուց:
Որպեսզի ստուգեր ընկերոջ երիկամի որակը, տղամարդուն խնդրել էր բժշկական զննություն անցնել Նանկինի հիվանդանոցներից մեկում, հայտնում է China Daily-ն:
Apple-ի սարքերի սիրահարը պայմանավորվել է երիկամը գնել ցանկացող գործարարի հետ հիվանդանոցում, սակայն վերջին պահին հրաժարվել է գործարքից:
Ընկերոջ սպառնալիքներից հետո տղամարդը որոշել է դիմել լրագրողների օգնությանը: Ներկայում միջնորդ ընկերոջը որոնում է ոստիկանությունը:
Չինաստանում բավական տարածված է մարդկային օրգանների անօրինական վաճառքը: Երկրում դոնորների պակաս է զգացվում:
