Չորս միլիոնի գողություն՝ վերամբարձ կռունկի օգնությամբ
Սեպտեմբերի 1-ին ոստիկանության Աշտարակի բաժնում հաղորդում էր ստացվել հիմնարկություններից մեկին պատկանող մետաղյա 34 խողովակների գողության մասին:
Բաժնի ծառայողների ձեռնարկած միջոցառումների շնորհիվ պարզվել է, որ 1978 թ. ծնված Մխիթար Մ.-ն և 1962 թ. ծնված Սամվել Գ.-ն համաձայնության գալով հայր և որդի Մխիթար և Տավրոս Ա.-երի հետ և վերջիններիս պատկանող «ԶԻԼ» մակնիշի վերամբարձ կռունկի օգնությամբ բարձելով՝ գողացել են վերը նշված խողովակները` հիմնարկությանը պատճառելով 4.000.000 դրամի նյութական վնաս:
Ձեռնարկվում են միջոցառումներ Մխիթար Մ.-ին, Սամվել Գ.-ին և գողոնը հայտնաբերելու ուղղությամբ:
Հայրը և որդին բերման են ենթարկվել բաժին և ստորագրությամբ բաց թողնվել:
ՀՀ քր. օր.-ի 177 հոդվածի 3-րդ մասի 1-ին կետով հարուցվել է քրեական գործ:
Կատարվում է նախաքննություն:
