Թուրքիայում հետաքննություն է սկսվել քրդամետ «Ժողովուրդների դեմոկրատիա» կուսակցության առաջնորդ Սելահաթթին Դեմիրթաշի նկատմամբ
Դիարբեքիր քաղաքի դատախազությունը հետաքննություն է սկսել քրդամետ «Ժողովուրդների դեմոկրատիա» կուսակցության առաջնորդ Սելահաթթին Դեմիրթաշի նկատմամբ, հայտնում է Hurriyet թերթը:
Թերթի տեղեկությունների համաձայն՝ հետաքննությունն իրականացվում է՝ կապված կուսակցության համանախագահի այն հայտարարությունների հետ, որտեղ նա ստորացրել է թուրք ժողովրդին, պետական կառույցներն ու ընդհանուր առմամբ՝ ողջ պետությունը: Բացի այդ, ինչպես գրում է Hurriyet-ը, Դեմիրթաշը ահաբեկչություն քարոզող հայտարարություններ է արել:
Դիարբեքիրի դատախազությունը հարցում է ուղարկել նաև Թուրքիայի արդարադատության նախարարություն՝ Դեմիրթաշին պատգամավորական անձեռնմխելիությունից զրկելու համար:
