Suzuki Motor-ի ղեկավարը ընկերության նոր նախագահ է նշանակել իր որդուն
Ճապոնիայում մեծությամբ չորրորդ մեքենաշինական Suzuki Motor ընկերության 85-ամյա ղեկավար Օսամու Սուզուկին իր որդուն՝ Տոսիխիրո Սուզուկիին նշանակել է կորպորացիայի նոր նախագահ, հայտնում է Japan Today-ը:
Դա կլինի 1978 թվականից ի վեր Suzuki Motor-ի նախագահի առաջին փոփոխությունը: Անձամբ Օսամուն կմնա կորպորացիայի գլխավոր տնօրեն ու տնօրենների խորհրդի նախագահ:
56-ամյա Տոսիխիրոն սկսել է աշխատել Suzuki-ում 1994 թվականից, իսկ 2011-ին դարձավ կորպորացիայի 4 գործադիր փոխնախագահներից մեկը:
Ավելի վաղ Suzuki-ի ղեկավարը ցանկանում էր իր իրավահաջորդի դերում տեսնել փեսային, սակայն վերջինս 2007թ. քաղցկեղից մահացավ:
Suzuki-ին Օսամու Սուզուկիի ղեկավարությամբ դարձավ Ճապոնիայի խոշորագույն ընտանեկան կորպորացիաներից մեկը:
