Ինքնասպան եղած դերասան Ռոբին Ուիլյամսին սխալ ախտորոշում է արվել. ԶԼՄ-ներ
Ամերիկացի բժիշկների նոր տվյալները, որոնք իրականացրել են հայտնի ամերիկացի դերասան Ռոբին Ուիլյամսի դիահերձումը, վկայում են այն մասին, որ նրան մահից առաջ արված «Պարկինսոնի հիվանդություն» ախտորոշումը սխալ է եղել, հայտնում է In Touch պարբերականը:
Համաձայն դիահերձման արդյունքների՝ դերասանը տառապել է այլ հիվանդությունից, որը բարդ է ախտորոշել ու հաճախ համարում են Պարկինսոնի կամ Ալցհեյմների հիվանդություն:
Հաղորդվում է, որ մահից մի քանի օր առաջ Ուիլյամսը սկսել է վատ քնել ու խոսել քնած ժամանակ, տառապել է դեպրեսիայից, վերջույթների անկանոն շարժումներից, խնդիրներ է ունեցել ձախ ձեռքի հետ:
Օսկարակիր դերասանն ինքնասպան է եղել 2014թ. օգոստոսի 12-ին Կալիֆոռնիայի Թիբուրոն քաղաքի իր տանը:
