«Գազպրոմը» դադարեցրել է գազ մատակարարել Ուկրաինային
Ռուսական «Գազպրոմ» ընկերությունը հայտնել է, որ այսօրվանից դադարեցրել է գազամատակարարումները դեպի Ուկրաինա, հայտնում է BBC-ի ռուսական ծառայությունը:
Ընկերության հաղորդագրության մեջ նշվում է, որ գազամատակարարումները դադարեցվել
են Մոսկվայի ժամանակով ժ. 10.00-ին:
«Գազպրոմի» ղեկավար Ալեքսեյ Միլլերի խոսքով՝ մատակարարումների վերսկսումը հնարավոր է միայն ուկրաինական կողմի նախավճարից հետո:
Ավելի վաղ «Նավթոգազ Ուկրաինին» պաշտոնապես հայտարարել էր, որ որոշել է հրաժարվել ռուսական գազից երրորդ եռամսյակում՝ կապված այն բանի հետ, որ չի կարողացել պայմանավորվել Ռուսաստանի հետ գնի վերաբերյալ:
Ուկրաինական ԶԼՄ-ների տեղեկություններով՝ ներկայում երկիր գազամատակարարում է իրականացնում միայն Սլովակիան:
Ուկրաինական կողմը պնդում էր զեղչը 100 դոլարով պահպանելու վրա, սակայն Ռուսաստանը համաձայնել էր ընդամենը զեղչել 40 դոլար:
