Մարադոնան ուզում է դառնալ ՖԻՖԱ-ի նախագահ
«10ahora.com.ar» կայքը մեջբերում է լրագրող Վիկտոր Մարալեսի խոսքերը, ով հայտնել է, որ արգենտինական ֆուտբոլի լեգենդ Դիեգո Արմանդո Մարադոնան մտադիր է առաջադրվել ՖԻՖԱ-ի նախագահի առաջիկա ընտրություններում: Ըստ լրագրողի՝ Մարադոնան ունի շրջադարձային իրադարձության կարիք և ցանկանում է ՖԻՖԱ-ի նախագահ դառնալով՝ պայքարել կոռուպցիայի դեմ: Նա մեծ հեղինակություն է, ով որևէ առնչություն չի ունենա կոնֆլիկտների հետ:
Հաշվի առնելով Մարադոնայի սկանդալայնությունը դժվար է հավատալ, որ նա չի ունենա կոնֆլիկտներ և սկանդալներ. ահա այսպես բնորոշեց միջազգային մամուլը Մարադոնայի առաջադրման մասին նորությունը:
Հիշեցնենք, որ ՖԻՖԱ-ի գործկոմը հունիսի 20-ի արտահերթ նիստում կորոշի ընտրությունների անցկացման օրը:
Սիրարփի Աղաբաբյան
