Nokia-ն դարձյալ կպայքարի սմարթֆոնների շուկայի համար
Իր սմարթֆոնային բիզնեսը Microsoft-ին վաճառելուց հետո ֆիննական Nokia ընկերությունը կենտրոնացել էր հեռուստասարքավորումների ու ծառայությունների վրա: Սակայն պարզվում է, որ ընկերությունը չի մոռացել նաև հեռախոսների իր օգտատերերի մասին՝ 2016թ. վաճառքում կհայտնվեն նոր Nokia հեռախոսներ, գրում է hitech.vesti.ru-ն:
Այս մասին գերմանական Manager Magazin-ին տված հարցազրույցում պատմել է ընկերության գլխավոր տնօրեն Ռաջիվ Սուրին:
«Մենք կորոնենք համապատասխան գործընկերների: Microsoft-ը պատրաստում է բջջային հեռախոսներ: Մենք պարզապես կմշակենք մոդելներ, իսկ հետո թույլ կտանք լիզենզավորել մեր բրենդը»,- ասել է նա:
Սուրին չի նշել, թե հատկապես ինչ ծրագրային հարթակ են օգտագործելու այդ սարքերը:
Ներկայում Nokia-ն իրավունք չունի թողարկել սմարթֆոններ ու հեռախոսներ՝ Microsoft-ի հետ կնքած պայմանագրի համաձայն:
Սակայն 2016-ին այդ արգելքն արդեն չի գործի:
