Սենատը քվեարկել է 2016թ. ԱՄՆ պաշտպանական քաղաքականության օգտին
ԱՄՆ Կոնգրեսի սենատը, չնայած Սպիտակ տան առարկություններին, ընդունել է հաջորդ ֆինանսական տարվա պաշտպանական ծախսերի օրինագիծը, որն սկսվում է հոկտեմբերի 1-ից: Ենթադրյալ ծախսերի գումարը կազմում է 612 մլրդ դոլար, հայտնում է BBC-ի ռուսական ծառայությունը:
Նոր բյուջեն, ինչպես հաղորդվում է, թույլ կտա զինել Ուկրաինային, կկանխարգելի ռազմաբազաների փակումն ու կդժվարացնի Բարաք Օբամայի աշխատանքը՝ դադարեցնել Գուանտանամոյում բանտի գործունեության դադարեցնումը:
Սենատը ընդունել է օրինագիծը 71 կողմ, 25 դեմ ձայնով: ԱՄՆ նախագահ Օբաման սպառնացել է վետո կիրառել:
Ներկայում մնում է օրինագիծը հարմարեցնել այն տարբերակի հետ, որը ավելի վաղ հավանության էր արժանացրել Ներկայացուցիչների պալատը:
Այն բանից հետո, ինչ հավանության էին արժանացել ԱՄՆ պաշտպանական քաղաքականության հիմնական ուղղությունները, դեմոկրատները արգելափակել էին օրինագիծը: Ներկայում բանակցություններ պետք է տեղի ունենան՝ համաձայնեցնելու դեմոկրատների ու հանրապետականների դիրքորոշումը ԱՄՆ ռազմական բյուջեի վերաբերյալ:
