Չինաստանի անվտանգության նախկին նախարարին դատապարտել են ցմահ բանտարկության
Չինաստանի անվտանգության նախկին նախարար Չժոու Յունականը, ում մեղադրում են կոռուպցիայի ու պետական գաղտնիքի հրապարակման մեջ, դատարանի որոշմամբ դատապարտվել է ցմահ բանտարկության, հայտնում են չինական ԶԼՄ-ները:
Մինչ 2012թ. թոշակի գնալը 73-ամյա քաղաքական գործիչը համարվում էր ամենաազդեցիկ մարդը Չինաստանի կառավարությունում:
Չժոուին մեղադրանք է առաջադրվել ապրիլին: Նրա նախկին գործընկերների ու ազգականների նկատմամբ նույնպես հետաքննություն է ընթանում:
