G8-ի ձևաչափին վերադառնալը շատ հարցեր կլուծեր. Գերմանիայի ԱԳՆ
Գերմանիան կոչ է անում Ռուսաստանին միջոցներ ձեռնարկել, որոնք կբացեին Մոսկվայի ուղին դեպի «ութնյակ»: Համապատասխան հայտարարությունը Գերմանիայի ԱԳՆ ղեկավար Ֆրանկ-Վալտեր Շտայնմայերն արել է իր ուկրաինացի գործընկեր Պավել Կլիմկինի հետ հանդիպումից հետո, տեղեկացնում է TASS-ը:
«Ես կցանկանայի, որ Ռուսաստանը օգներ ստեղծել պայմաններ, խոսքը մասնավորապես Մինսկի պայմանավորվածության իրականացման մասին է՝ որոնելու ուղիներ նախկին G8 ձևաչափի համար»,- ասել է նա:
«Դա կհեշտացներ շատ բաներ»,- հավելել է նախարարը՝ հիշեցնելով սիրիական ճգնաժամի կարգավորման հարցում Մոսկվայի հետ համագործակցությունը:
«Արևմուտքը չի կարող շահագրգռված լինել իրադարձությունների հակառակ զարգացմամբ»,- նշել է նա:
