ԵՄ-ին Ուկրաինայի անդամակցելու հարցն օրակարգում չէ. Յունկեր
Ռուսական РИА Новости լրատվական գործակալության փոխանցմամբ՝ Եվրոպական հանձնաժողովի նախագահ Ժան Կլոդ Յունկերը հայտարարել է, որ ԵՄ-ին Ուկրաինայի անդամակցելու հարցը չի գտնվում մոտակա օրակարգում: Յունկերն այդ մասին հայտարարել է Ուկրաինա-ԵՄ գագաթաժողովի արդյունքներով:
Յունկերի խոսքերով՝ ԵՄ-ի ու Ուկրաինայի միջև ազատ առևտրի գոտու մասին համաձայնագիրը, որի ներդրումը հետաձգվել է մինչև հաջորդ տարվա սկիզբ, պետք է ուժի մեջ մտնի 2016 թվականի հունվարի 1-ից: Յունկերը Կիևում հայտարարել է, որ իմաստ չի տեսնում այդ համաձայնագրի հետագա հետաձգման մեջ և պնդում է, որ այն ուժի մեջ մտնի 2016 թվականի հունվարի 1-ից:
