Գերության մեջ մահացած Կարեն Պետրոսյանն ի՞ր մահով է մահացել, թե՞ խոշտանգումից. նոր մանրամասներ. shamshyan.com
Ադրբեջանի կողմից 2014 թվականի օգոստոսի 7-ին գերեվարված և գերության մեջ անհայտ հանգամանքներում մահացած Հայաստանի քաղաքացի Կարեն Պետրոսյանի գործով իրավապաշտպանների եւ փաստաբանների խումբը պատրաստվում է բողոք ներկայացնել Մարդու իրավունքների եվրոպական դատարան, քանի որ նա իր բնական մահով չի մահացել:
Այս մասին SHAMSHYAN.com-ի թղթակցի հետ զրույցում ասել է սույն գործով զբաղվող փաստաբաններից Քրիստինա Գեւորգյանը: Հարցին, թե նրա մահը, ըստ դատաբժշկական փորձաքննության, խոշտանգմա՞ն արդյունքում է վրա հասել, թե՞ ոչ, պատասխանել է.
«Քրեական գործ կա հարուցված եւ նախաքննության գաղտնիությունից ելնելով՝ չեմ կարող շատ բան ասել: Ճիշտ է, դատաբժշկական փորձաքննության արդյունքները պատրաստ են, բայց մի շարք փորձաքննություններ են դեռ նշանակված: Սակայն այն, որ Կարեն Պետրոսյանը իր մահով չի մահացել, դա միանշանակ է: Սպասում ենք՝ փորձաքննության պատասխանները ստացվեն, նյութերն ամբողջությամբ հավաքվեն, որից հետո քրեական գործը կասեցվի եւ մենք դիմենք ՄԻԵԴ»,-ասել է փաստաբանը:
Ամբողջությամբ՝ սկզբնաղբյուր կայքում:
