Ադամ Շիֆը շնորհակալ է Հռոմի պապին՝ Հայոց ցեղասպանության վերաբերյալ խոսքերի համար
Ամերիկացի հայամետ կոնգրեսական Ադամ Շիֆը շնորհակալություն է հայտնել Հռոմի պապ Ֆրանցիսկոսին՝ ապրիլի 12-ին Վատիկանի Սուրբ Պետրոսի տաճարում մատուցած պատարագի ժամանակ «ցեղասպանություն» եզրույթն օգտագործելու համար:
Շիֆն այդ մասին գրել է Twitter-ի իր միկրոբլոգում. «Հռոմի՛ պապ, շնորհակալություն, որ Հայոց ցեղասպանությունը ճանաչեցիք որպես 20-րդ դարի առաջին ցեղասպանություն: Թող որ ձեր խոսքերը ճշմարտությունն արթնացնեն նաև մյուսների մեջ»:
