550 հազար լայք՝ 5 ժամում
Քիմ Քարդաշյանի՝ Գեղարդի վանքում վանքում արված այս լուսանկարը, որտեղ նա ամուսնու և երեխայի հետ մոմ է վառում, Instagram-ի նրա էջում 5 ժամում հավաքել է 550 հազար լայք։ Քարդաշյանի Instagram-ի էջն ունի 29.6 միլիոն հետևող։ Facebook-ում նույն լուսանկարը 5 ժամում հավաքել է 160 հազար լայք։ Սրան գումարեք Twitter-ը։ Սրան գումարեք նույն համաշխարհային ԶԼՄ-ներին, որոնք լուսանկարներով և տեսանյութերով պատմում են Գեղարդ կատարած այցի մասին։ Գումարեք նույն այդ ԶԼՄ-ների էջերը Facebook-ում, Twitter-ում ու մյուս սոցցանցերում։ Սրան գումարեք նաև «կողմնակի» էֆեկտները՝ Քիմին ուղեկցողների տարածած նյութերը Հայաստանի մասին։ Ընդ որում, խոսքը միայն քույրերին չի վերաբերվում։ Ասենք Քիմ Քարդաշյանի դիմահարդար Մարիո Դեդիվանովիչը, ով ուղեկցում է հայտնի քույրերին իրենց հայաստանյան այցի ընթացքում, բավականին ակտիվ լուսանկարներ է հրապարակում սոցցանցի իր էջում։ Նախօրեին նա Գեղարդում արած իր տեսանյութը տեղադրել էր Instagram-ի իր էջում (որն ունի մոտ 1 միլիոն հետևող) և գրել. «Գեղարդի վանքը, ամենագեղեցիկ վայրերից մեկը, որ երբևէ տեսել եմ»:
4 օր առաջ աշխարհում քանի՞ մարդ էր լսել Գեղարդի վանքի մասին։ Իսկ այսօ՞ր։ Սա ընդամենը մի դրվագ է, որը ցույց է տալիս, թե որքան մեծ օգուտ է տալիս այս կինը՝ գովազդելով Հայաստանն աշխարհում։ Ի դեպ, նախորդ տարի Հայաստան այցելել է 1.2 միլիոն զբոսաշրջիկ, Ադրբեջան՝ 3 միլիոն, Վրաստան՝ 5.5 միլիոն։
Կարդացեք 168 Ժամ թերթի այսօրվա համարում։
