Գալուստ Սահակյանը ընդունել է Ղազախստանի դեսպանին
ՀՀ Ազգային ժողովի նախագահ Գալուստ Սահակյանը մարտի 26-ին ընդունել է Հայաստանում Ղազախստանի արտակարգ եւ լիազոր դեսպան Այիմդոս Բոզժիգիտովին: Նշենք, որ դեսպանը խորհրդարան էր այցելել Հայաստանում իր դիվանագիտական առաքելությունն ավարտելու կապակցությամբ:
ԱԺ նախագահը փաստել է, որ խորհրդարանը մշտապես համագործակցում է դեսպանատների հետ, կարեւորում նրանց դերը բարեկամ երկրների հարաբերությունների զարգացման գործում:
Արդյունավետ գնահատելով դեսպանի գործունեությունը՝ Գալուստ Սահակյանը մաղթել է նրան հաջողություններ դիվանագիտական աշխատանքի ընթացքում:
Այիմդոս Բոզժիգիտովը, շնորհակալություն հայտնելով ընդունելության համար, կարեւորել է Հայաստանում իր գործունեության ժանակահատվածը եւ խորհրդարանի հետ համագործակցությունը:
Հանդիպման ավարտին դեսպանը հայ ժողովրդին մաղթել է բարեկեցություն եւ բարգավաճում՝ նշելով, որ մեկընդմիշտ կմնա հայ ժողովրդի բարեկամը:
