Հայոց ցեղասպանությունը վերապրածները կստանան ամսական 100 հազար դրամ

ՀՀ կառավարությունն իր նախկին որոշումներից մեկում այսօր կատարել է փոփոխություն, ըստ որի Արևմտյան Հայաստանում և Օսմանյան Թուրքիայի այլ վայրերում մինչև 1915 թվականը (ներառյալ) ծնված և Հայոց ցեղասպանությունը վերապրած 33 անձանց տրվող ամսական դրամական օգնության չափը 25 հազար դրամի փոխարեն սահմանվել է 100 հազար դրամ: Ինչպես տեղեկացնում է ՀՀ կառավարության պաշտոնական կայքը, որոշումն ընդունվել է կառավարության այսօրվա նիստում։