ՀՀ վարկային կազմակերպությունների շահույթը կազմել է շուրջ 10 միլիարդ դրամ
2014 թվականի դեկտեմբերի 31-ի դրությամբ ՀՀ տարածքում գործել են 32 վարկային կազմակերպություններ՝ 149 մասնաճյուղերով: Վարկային կազմակերպությունների ընդհանուր ակտիվները հաշվետու եռամսյակում ավելացել են 7.6%-ով (12-ամսյա աճը՝ 28.3%) և կազմել 269.2 մլրդ դրամ: Ընդ որում, ակտիվների աճ է արձանագրվել 24, իսկ նվազում` 8 վարկային կազմակերպություններում։ Այս մասին տեղեկացնում է ՀՀ Կենտրոնական բանկի 2014 թվականի 4-րդ եռամսյակի բանբերը։
Վարկային կազմակերպությունների զուտ շահույթը, հաշվարկված վերահսկողական հաշվետվությունների հիման վրա, 2014 թվականին կազմել է 9.9 մլրդ դրամ, ընդ որում՝ շահույթով են աշխատել 29, իսկ վնասով` 3 վարկային կազմակերպություններ:
