Պուտինը պատասխանել է Պորոշենկոյի նամակին
Ռուսական ТАСС լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը պատասխանել է Ուկրաինայի նախագահ Պյոտր Պորոշենկոյի նամակին՝ կապված օդաչու Նադեժդա Սավչենկոյի հետ: Այս մասին հայտարարել է Ռուսաստանի նախագահի մամլո քարտուղար Դմիտրի Պեսկովը.
«Ռուսաստանի նախագահի ստորագրությամբ պատասխանն արդեն իսկ պատրաստվել և ուղարկվել է: Բարձր մակարդակի ծառայողական նամակագրության բովանդակությունը չի հրապարակվում»: Պորոշենկոն այդ նամակն իր ռուս գործընկերոջն ուղարկել է հունվարի 25-ին, սակայն Պեսկովն այդ փաստը հաստատել է մարտի 5-ին:
