Հիլարի Քլինթոնն ապրիլին կհայտարարի առաջիկա նախագահական ընտրություններին մասնակցելու մտադրության մասին. WSJ
Ամերիկյան The Wall Street Journal պարբերականի փոխանցմամբ՝ ԱՄՆ նախկին առաջին տիկին ու պետքարտուղար Հիլարի Քլինթոնը նախագահական առաջիկա ընտրություններին իր մասնակցելու մտադրության մասին հայտարարելու է 2015 թվականի ապրիլին:
Այս մասին հայտարարել են նրա նախընտրական կամպանիայի հովանավորները: Քլինթոնը Դեմոկրատական կուսակցության հովանավորներին իրազեկել է այն մասին, որ նախագահական մրցավազքը կսկսվի ավելի վաղ, քան ակնկալվում էր: Դրա շնորհիվ նա կկարողանա ավելի արագ ձեռնամուխ լինել միջոցներ հավաքելուն:
Աղբյուրների տվյալներով՝ ընկերության հիմնադրամը պետք է կազմի ավելի քան 1 միլիարդ դոլար: Քլինթոնը պաշտոնապես չի հայտարարել նախագահի պաշտոնի համար առաջադրվելու մտադրության մասին, սակայն 2014 թվականի սեպտեմբերին նա ակնարկել է 2016 թվականի նախագահական ընտրություններին մասնակցելու մասին:
2008 թվականին նա արդեն իսկ մասնակցել է նախագահական կամպանիայի և կուսակցության ներսում տանուլ է տվել Բարաք Օբամայի հետ մրցակցությունը: Նախորդ տարվա նոյեմբերին ԱՄՆ նախագահ Բարաք Օբաման հայտարարել է, որ Հիլարի Քլինթոնից կստացվի հիանալի նախագահ:
