Թուրքիան պլանավորում է մինչև 2015 թվականի ավարտը շահագործման հանձնել «Բաքու-Թբիլիսի-Կարս» երկաթգիծը
![](https://168.am/wp-content/uploads/2014/12/download19.jpg)
Թուրքական Anadolu լրատվական գործակալության փոխանցմամբ՝ Թուրքիան պլանավորում է մինչև 2015 թվականի ավարտը շահագործման հանձնել «Բաքու-Թբիլիսի-Կարս» (ԲԹԿ) երկաթգծի իր հատվածը՝ չնայած դրա կառուցման գործընթացի ձգձգմանը: Այս մասին հայտարարել է Թուրքիայի տրանսպորտի, նավագնացության ու կապի նախարար Լյութֆի Էլվանը:
Նրա խոսքերով՝ այդ նախագիծը կարևոր նախագծերից մեկն է, քանի որ միավորում է Թուրքիային, Վրաստանին ու Ադրբեջանին: Ավելի վաղ հաղորդվել էր, որ Թուրքիայում կասեցվել են ԲԹԿ-ի թուրքական հատվածի կառուցման աշխատանքները, ինչի պատճառն այն է, որ կապալառու ընկերությունն ունակ չի եղել կատարել պլանավորված բոլոր աշխատանքները: