ԵՏՄ-ի տեսքով միասնական տիրույթ ստեղծելը չի նշանակում վերադարձ կատարել խորհրդային անցյալին. Նազարբաև
ZN.UA-ի փոխանցմամբ՝ ԵՏՄ-ը մայրցամաքի ներկայիս ճգնաժամերի պայմաններում ենթարկվում է մեծ ռիսկի: Այս մասին Ուկրաինա այցելելու նախօրեին հայտարարել է Ղազախստանի նախագահ Նուրսուլթան Նազարբաևը:
Նա ընդգծել է, որ թեև Ռուսաստանի դեմ սահմանված պատժամիջոցներն ուղիղ ձևով չեն շոշափում Ղազախստանը, սակայն Ռուսաստանում արժութային տատանումների կապակցությամբ կարող է զգացվել պաշտպանիչ միջոցների կարիք. «Ղազախստանի վրա այդ պատժամիջոցներն ուղիղ չեն գործում, սակայն որևէ լավ բան չկա դրանում, քանի որ Ռուսաստանը մեր հիմնական գործընկերն է»:
Նազարբաևն ընդգծել է, որ ԵՏՄ-ի տեսքով միասնական տիրույթի ստեղծումը չի նշանակում վերադարձ կատարել խորհրդային անցյալին. «Ներկայումս կարող են խոսել և արդեն խոսել են, որ դա անկախության կորուստ է, որ նորից ստեղծվում է Խորհրդային միությունը: Լիակատար հիմարություն: Ով ցանկանում է ստեղծել Խորհրդային միությունը, նա ընդհանրապես չունի ուղեղ: Մենք վաղուց ենք հեռացել դրանից, դա անհնար է»:
