Բելառուսի Ներկայացուցիչների պալատը վավերացրել է ԵՏՄ-ին Հայաստանի միանալու մասին պայմանագիրը
Բելառուսական BELTA լրատվական գործակալության փոխանցմամբ՝ Բելառուսի Ազգային ժողովի Ներկայացուցիչների պալատը վավերացրել է ԵՏՄ-ին Հայաստանի միանալու մասին պայմանագիրը: Պայմանագիրը Հայաստանի, Բելառուսի, Ռուսաստանի ու Ղազախստանի նախագահների կողմից ստորագրվել է 2014 թվականի հոկտեմբերի 10-ին, Մինսկում:
Բելառուսում Հայաստանի դեսպան Արմեն Խաչատրյանը լրագրողների հետ զրույցում հայտարարել է. «Այսօր պատմական օր է մեզ համար: Եվս մեկ անգամ հաստատում ենք զարգացման մասին մեր ցանկությունը, մեր ուղղվածությունը: Վավերացումից հետո մենք դառնում ենք ԵՏՄ-ի անդամ, իսկ դա մեծ հնարավորություններ են»:
