Կանխվել է Չելյաբինսկից Հայաստան բազեներ բերելու փորձը
Ռուսական ТАСС լրատվական գործակալության փոխանցմամբ՝ դեկտեմբերի 5-ին Չելյաբինսկի օդանավակայանում առգրավված երեք բազեյի արժեքը գնահատվում է մոտ 600.000 դոլար (34 միլիոն ռուբլի): Ուրալի տրանսպորտային դատախազությունը հայտարարել է, որ մաքսանենգության փաստով հարուցվել է քրեական գործ:
Ներկա դրությամբ կասկածյալները Հայաստանի ու Ռուսաստանի քաղաքացիներ են, որոնք փորձել են, առանց մաքսային վերահսկողություն անցնելու, Ռուսաստանից դուրս բերել Կարմիր գրքում գրանցված այդ թռչուններին: Դատարանի որոշմամբ նրանք կալանավորվել են:
Հանրահայտ անասնաբույժ Կարեն Դալաքյանը հայտարարել է, որ գիշերն իրեն զանգահարել են և հայտնել, որ օդանավակայանում առգրավվել են բազեներ՝ խնդրելով գալ օգնության:
Դալաքյանն ընդգծել է, որ թռչունները դժվարությամբ ուշքի են եկել, քանի որ նրանց քնաբեր են ներարկել և նրանք տուփի մեջ անցկացրել են մոտ երկու օր: Նրանց արդեն իսկ ցուցաբերվել է անհրաժեշտ բուժօգնություն:
