ՌԴ Պետդումայի դիտարկմանն է ներկայացվել քաղաքացիների մնալու կարգի մասին Հայաստանի հետ համաձայնագիրը
Ռուսական ТАСС լրատվական գործակալության փոխանցմամբ՝ Ռուսաստանի կառավարությունը Պետդումայի դիտարկմանն է ներկայացրել մի երկրի քաղաքացու կողմից մյուս երկրի տարածքում մնալու կարգի վերաբերյալ Հայաստանի հետ համաձայնագրի վավերացման մասին օրինագիծը:
Այս մասին նշված է Ռուսաստանի կառավարության կայքում: Համաձայնագիրը կանոնակարգում է երկու երկրների տարածքում Հայաստանի ու Ռուսաստանի քաղաքացիների մնալու կարգը՝ նրանց հնարավորություն տալով երկու երկրներում 30 օր գտնվել՝ առանց միգրացիոն հաշվառում անցնելու:
Համաձայնագիրը ստորագրվել է 2014 թվականի հուլիսի 11-ին, Սոչիում: Օրինագիծը պատրաստել են ՌԴ ԱԳՆ-ն ու Դաշնային միգրացիոն ծառայությունը: Ռուսաստանի կառավարությունն այն դիտարկել ու հավանության է արժանացրել 2014 թվականի դեկտեմբերի 4-ին:
