Կարսում տեղի է ունեցել Բերուչաշվիլու ու Մամեդյարովի հանդիպումը
Ադրբեջանական Trend լրատվական գործակալության փոխանցմամբ՝ Կարսում տեղի է ունեցել Վրաստանի ու Ադրբեջանի արտգործնախարարներ Թամար Բերուչաշվիլու ու Էլմար Մամեդյարովի երկկողմ հանդիպումը: Հանդիպումը կայացել է այսօր Կարսում անցկացվող Վրաստանի, Թուրքիայի ու Ադրբեջանի արտգործնախարարների եռակողմ հանդիպման շրջանակներում:
Ադրբեջանի ԱԳՆ-ի մամլո ծառայության տարածած հաղորդագրության համաձայն՝ հանդիպման ժամանակ կողմերը գոհունակություն են հայտնել երկու երկրների միջև բոլոր ոլորտներում համագործակցության զարգացման ընթացիկ մակարդակի կապակցությամբ:
Կողմերը նաև ընդգծել են «Անդրանատոլիական» գազատարի ու «Բաքու-Թբիլիսի-Կարս» երկաթգծի դերը տարածաշրջանի համագործակցության, խաղաղության ու անվտանգության ամրապնդման հարցում: Հանդիպման ժամանակ քննարկվել են նաև տարածաշրջանին առնչվող այլ հարցեր:
