Երկրում գոյություն չունի տնտեսական ճգնաժամ. Գարիբաշվիլի
Новости-Грузия լրատվական գործակալության փոխանցմամբ՝ Վրաստանի վարչապետ Իրակլի Գարիբաշվիլին կործում է, որ ընդդիմության պնդումներն անհիմն են, և որ երկրում գոյություն չունի տնտեսական ճգնաժամ ու ազգային արժույթի՝ լարիի ճգնաժամ (լարիի փոխարժեքն ակտիվորեն սկսել է նվազել նոյեմբերի 20-ից):
Գարիբաշվիլին ընդգծել է, որ ներկայիս ծանր իրավիճակում իրենք կարողացել են հասնել հաջող քաղաքականության. «Ցանկանում եմ բնակչությանը հայտնել, որ տարածաշրջանում տիրում է շատ բարդ տնտեսական ու քաղաքական իրավիճակ՝ Ուկրաինայում, Թուրքիայում, հարևան երկրներում, բնականաբար նաև Ռուսաստանում:
Բնականաբար, այդ ամենն անդրադառնում է մեր տնտեսության, մեր լարիի վրա: Վրաստանն ունի տպավորիչ տնտեսական աճ: Մինչև տարեվերջ տնտեսական աճը կկազմի 5.2 տոկոս, իսկ հնարավոր է՝ ավելի շատ»:
