Մերկելը համոզված է, որ Ռուսաստանը դեռ մի շարք խնդիրներ կստեղծի Մոլդովայի ու Վրաստանի համար
Die Welt-ի փոխանցմամբ` Գերմանիայի կանցլեր Անգելա Մերկելն ճիշտ է համարում Ուկրաինայի ճգնաժամի կապակցությամբ Ռուսաստանի գործողություններին ԵՄ-ի երկրների տված պատասխանը.
«Կարծում եմ, որ ճիշտ էր Ռուսաստանի գործողությունների հանդեպ եվրոպական ընդհանուր արձագանքը: Անկարելի է անհետևանք թողնել այն, որ Մոսկվան խախտել է Ուկրաինայի տարածքային ամբողջականությունն ու ինքնիշխանությունը, ինչն ամրագրված է 1994 թվականի Բուդապեշտի հուշագրով:
Համոզված եմ, որ Ռուսաստանը դեռ մի շարք խնդիրներ կստեղծի նաև մյուս երկու երկրների` Մոլդովայի ու Վրաստանի հանդեպ, որոնք ստորագրել են ԵՄ-ի հետ Ասոցացման համաձայնագրերը»:
Մերկելը հիշեցրել է Մերձդնեստրի, Հարավային Օսիայի, Աբխազիայի ու Ղրիմի հարցերում Մոսկվայի դիրքորոշման մասին. «Ռուսաստանը փորձում է արևմտյան Բալկանների մի շարք երկրների գցել տնտեսական ու քաղաքական կախվածության մեջ»:
