Պակիստանում սպանվել է «Ալ-Քաիդայի» առաջնորդը, ով պատասխանատու էր արտերկրում ահաբեկչությունների նախապատրաստման համար
Ամերիկյան The Associated Press լրատվական գործակալության փոխանցմամբ` պակիստանցի զինվորականները երեկ վերացրել են «Ալ-Քաիդա» խմբավորման առաջնորդներից Ադնան Էլ-Շուքիրիջումահին, ով պատասխանատու է արտասահմանում ահաբեկչություններ նախապատրաստելու համար:
Դա մասնավորապես վերաբերում է ԱՄՆ-ի տարածքում ահաբեկչություններ կազմակերպելու համար: Էլ-Շուքիրիջումահը սպանվել է Վազիրիստան շրջանում, որը գտնվում է Պակիստանի հյուսիս-արևմուտքում` Աֆղանստանի հետ սահմանին: Գործողության ժամանակ սպանվել է նաև խմբավորման ևս երկու զինյալ:
Էլ-Շուքիրիջումահը համարվում էր ԱՄՆ Հետաքննությունների դաշնային բյուրոյի կողմից ամենաշատ հետախուզվող ահաբեկիչներից մեկը` կապված 2009 թվականին Նյու Յորքի մետրոպոլիտենի ահաբեկչություններին մասնակցելու մեջ: Նրան բռնելու համար ամերիկյան իշխանությունները հայտարարել էին հինգ միլիոն դոլարի պարգև:
