Վրաստանի ու Ռուսաստանի նախագահների հանդիպման հարցը չի գտնվում օրակարգում. Բերուչաշվիլի

Грузия Online-ի փոխանցմամբ` Վրաստանի արտգործնախարար Թամար Բերուչաշվիլին երեկ Բազելում հայտարարել է, որ Վրաստանի ու Ռուսաստանի նախագահների հանդիպման հարցը չի գտնվում օրակարգում:

Ավելի վաղ Ռուսաստանի արտգործնախարար Սերգեյ Լավրովը հայտարարել էր, որ Ռուսաստանի ու Վրաստանի նախագահների հանդիպումը կարող է տեղի ունենալ երկու կողմի ցանկության դեպքում: Բերուչաշվիլին հայտարարել է, որ վրացական կողմը չի դիտարկում այդ հարցը: Նա ընդգծել է, որ տվյալ ուղղությամբ չի տարվում որևէ աշխատանք: