Գիշերային ժամերին Գռոզնու կենտրոնում գրանցվել են ուժգին պայթյուն և փոխհրաձգություն. կան զոհեր (տեսանյութեր)
Lenta.ru-ի փոխանցմամբ` Գռոզնու կենտրոնում գտնվող Տպագրության տունը գրաված զինյալների դեմ իրականացված հատուկ գործողության ընթացքում սպանվել է 7 զինյալ: Այս մասին Instagram-ի իր էջում գրել է Չեչնիայի ղեկավար Ռամզան Կադիրովը:
Նա ընդգծել է, որ ինքն է անմիջականորեն ղեկավարել այդ գործողությունը: Կադիրովը բնակչությանը կոչ է արել չհայտնվել գործողության անցկացման գոտու փողոցներում: Դեկտեմբերի 4-ի գիշերը Գռոզնու կենտրոնում գրանցվել է ուժգին պայթյուն, ինչպես նաև իրավապահների ու զինյալների միջև փոխհրաձգություն, որի ժամանակ զոհվել է երեք ոստիկան: Մոջահեդներն իրենց հերթին տեսաուղերձ են տարածել, որը ներկայացվում է ստորև:
