ՌԴ Պետդուման կարող է ԵՏՄ-ին Հայաստանի միանալու մասին պայմանագիրը վավերացնել մինչև տարեվերջ
Ռուսական ТАСС լրատվական գործակալության փոխանցմամբ՝ Ռուսաստանի Պետդումայի՝ ԱՊՀ-ի հետ ու եվրասիական ինտեգրման հարցերով հանձնաժողովի ղեկավար Լեոնիդ Սլուցկին հայտարարել է, որ Պետդուման կարող է մինչև ընթացիկ տարեվերջ վավերացնել ԵՏՄ-ին Հայաստանի միանալու մասին պայմանագիրը.
«Կդիտարկենք առավելագույն սեղմ ժամկետներում, հնարավոր է` հանձնաժողովի հաջորդ նիստում, որը տեղի է ունենալու դեկտեմբերի 9-ին»: Սլուցկին չի բացառել, որ Պետդուման ԵՏՄ-ին Հայաստանի միանալու մասին պայմանագիրը կվավերացնի մինչև 2014 թվականի դեկտեմբերը:
Ռուսաստանի նախագահ Վլադիմիր Պուտինը երեկ Պետդումայի վավերացմանն է ներկայացրել ԵՏՄ-ին Հայաստանի միանալու մասին պայմանագիրը:
