Սուրեն Կարայան. Հայաստանը կմասնակցի ԵՏՄ բյուջեին՝ 1.13 մասով
Հայաստանը Եվրասիական տնտեական միությանն անդամակցելուց հետո կստանձնի լրացուցիչ ֆինանսական պարտավորություններ: Ինչպես այսօր ԱԺ նիստում «2014 թ. հոկտեմբերի 10-ին Մինսկում ստորագրված «Հայաստանի Հանրապետության` «Եվրասիական տնտեսական միության մասին» 2014 թվականի մայիսի 29-ի պայմանագրին միանալու մասին» պայմանագրին հավանություն տալու հարցի քննարկման ժամանակ տեղեկացրեց ՀՀ ֆինանսների փոխնախարար Սուրեն Կարայանը, ՀՀ-ն կմասնակցի ԵՏՄ բյուջեին՝ 1.13 մասով:
«ԵՏՄ-ն քաղաքական մարմին չէ և այդ իսկ պատճառով չունի խորհրդարան: Այդ պատճառով Մաքսային օրենսգիրքը մշակվելու է ԵՏՄ կողմից, հավանության արժանանա բոլոր մարմինների կողմից և մտնի բոլոր երկրների պառլամենտներ ու վավերացվի բոլոր երկրների կողմից»:
