Կարասինի հետ բանակցությունների ձևաչափը պահպանվում է. Աբաշիձե
Новости-Грузия լրատվական գործակալության փոխանցմամբ՝ Ռուսաստանի փոխարտգործնախարար Գրիգորի Կարասինի հետ բանակցությունների ձևաչափը պահպանվել է: Այս մասին հայտարարել է Վրաստանի վարչապետի՝ Ռուսաստանի հետ հարաբերությունների կարգավորման հարցերով հատուկ ներկայացուցիչ Զուրաբ Աբաշիձեն:
Նրա խոսքերով՝ հարաբերությունների կարգավորումը շարունակվելու է այն ոլորտներում, ուր այն հնարավոր է. «Մենք պահպանում ենք ձևաչափը, սակայն հերթական հանդիպումը դեռ նշանակված չէ: Նույնն ասել է նաև Կարասինը, սակայն այլ բառերով:
Եթե անհրաժեշտ լինի, ապա մենք հնարավորություն ունենք կապվելու միմյանց հետ: Սակայն կրկնում եմ, որ մենք դեռ չենք պայմանավորվել հերթական հանդիպման շուրջ»:
