Հորդանանում կործանվել է ամերիկյան F-16 տիպի կործանիչ
Ամերիկյան CNN հեռուստաալիքի փոխանցմամբ՝ ամերիկյան F-16 կործանիչ է կործանվել Հորդանանում: Այս մասին հայտնել է ԱՄՆ զինված ուժերի Կենտրոնական հրամանատարությունը, որի պատասխանատվության գոտում է գտնվում Մերձավոր Արևելքը:
Կենտրոնական հրամանատարության տարածած հայտարարությունում նշված է, որ ինքնաթիռը կործանվել է կիրակի, մերձավորարևելյան երկրներից մեկում: Հրամանատարությունն ընդգծել է, որ միջադեպը չի գրանցվել ո՛չ Սիրիայում, ո՛չ էլ Իրաքում:
Ավելի ուշ հայտնի է դարձել, որ այն կործանվել է Հորդանանում: Պենտագոնի ներկայացուցիչ, գնդապետ Սթիվ Ուորենը հայտնել է, որ թռիչքից քիչ անց ինքնաթռիում ծագել են տեխնիկական խնդիրներ:
