Պենտագոնը չի հաստատում «Իսլամական պետության» առաջնորդի զոհվելը
Բրիտանական Reuters լրատվական գործակալության փոխանցմամբ՝ Պենտագոնում չեն կարողացել հաստատել «Իսլամական պետություն» արմատական խմբավորման առաջնորդ Աբու Բաքր ալ-Բաղդադիի զոհվելու կամ վիրավորվելու հանգամանքը: Այս մասին հայտարարել է Պենտագոնի մամլո քարտուղար, գնդապետ Սթիվ Ուորենը:
Նոյեմբերի 7-ին Իրաքի հատուկ ծառայությունների անանուն աշխատակիցը հայտարարել էր, որ ալ-Բաղդադին վիրավորվել է ամերիկյան ռմբակոծության հետևանքով, ինչից հետո զինյալներն արյուն հանձնելու կոչով դիմել էին տեղաբնակներին:
