Ցուկերբերգը հայտարարել է, որ վիրավորված է «Սոցցանց» ֆիլմի հեղինակներից
The New York Post թերթի փոխանցմամբ՝ Facebook սոցցանցի հիմնադիր Մարկ Ցուկերբերգն օգտատերերի հետ հանդիպման ժամանակ հայտարարել է, որ վիրավորված է Դևիդ Ֆինչերի «Սոցցանց» ֆիլմի կապակցությամբ, որն էկրաններին է հայտնվել 2010 թվականին: Դրանում գլխավոր դեր խաղացել է Ջեսի Այզենբերգը:
Ցուկերբերգն ընդգծել է, որ ֆիլմում կան մի շարք հնարովի բաներ, որոնց ինքը համարում է վիրավորական: Մասնավորապես ֆիլմում ասվում է, որ Ցուկերբերգը որոշել է Facebook-ը ստեղծել՝ աղջիկներին գրավելու նպատակով: Ցուկերբերգն ընդգծել է, որ դա չի համապատասխանում իրականությանը: Կան նաև այլ անճշտություններ:
