Ալիևի հետ հանդիպման ժամանակ Օլանդը քննարկել է Ադրբեջանում մարդու իրավունքների շուրջ տիրող իրավիճակը
Ադրբեջանական Turan լրատվական գործակալությունը, վկայակոչելով France Presse լրատվական գործակալությունը, հայտնում, որ երեկ Փարիզում Ադրբեջանի նախագահ Իլհամ Ալիևի հետ հանդիպման ժամանակ Ֆրանսիայի նախագահ Ֆրանսուա Օլանդը բարձրացրել է Ադրբեջանում մարդու իրավունքների շուրջ տիրող իրավիճակը:
Ելիսեյան պալատի ներկայացուցիչը երեկ հայտարարել է, որ Ալիևի հետ երկկողմ հանդիպման ժամանակ Օլանը բարձրացրել է կալանքի տակ պահվող իրավապաշտպան Լեյլա Յունուսի հարցը, որին 2014 թվականի հուլիսին կալանավորել են Հայաստանի օգտին լրտեսություն կատարելու մեղադրանքով:
Ադրբեջանի նախագահը հայտարարել է, որ կմտահոգվի բանտարկյալի ճակատագրով:
