2015 թ. բյուջեի նախագծում ԵՏՄ ազդեցությունը ներկայացված չէ
Որքանո՞վ է 2015 թվականի պետական բյուջեում արտացոլված Եվրասիական տնտեսական միությանը Հայաստանի անդամակցության փաստը: Այս հարցադրումն այսօր Ազգային ժողովում հաջորդ տարվա բյուջեի նախագծի քննարկումների ժամանակ արեց ԱԺ ՀՀԿ-ական պատգամավոր Խոսրով Հարությունյանը:
ՀՀ ֆինանսների փոխնախարար Պավել Սաֆարյանը տեղեկացրեց, որ, ըստ էության, 2015 թ. բյուջեի նախագծում ԵՏՄ ազդեցությունը ներկայացված չէ, բայց նախարարության մասնագետներն աշխատում են այդ ուղղությամբ, հաշվարկում են և մակրոտնտեսական գնահատականի միջանկյալ արդյունքն արդեն ունեն: Ըստ նրա՝ ԵՏՄ-ն կաջակցի ՀՆԱ աճի իրականացման բնագավառում:
«Արդյունքները միջանկյալ են, թույլ տվեք չհրապարակել»,- ասաց նա:
