Պուտինն ու Պորոշենկոն քննարկել են գազի մատակարարման հարցը

Gazeta.ru-ի փոխանցմամբ՝ Ռուսաստանի ու Ուկրաինայի նախագահներ Վլադիմիր Պուտինն ու Պյոտր Պորոշենկոն հեռախոսազրույց են ունեցել միմյանց հետ: Այս մասին հայտնել է Կրեմլի մամլո ծառայությունը: Նախագահները քննարկել են գազային ոլորտում փոխգործակցության հարցերը:

Բացի այդ, Պուտինն ու Պորոշենկոն շոշափել են Դոնբասում առկա իրավիճակի խաղաղ կարգավորման թեման: Նրանք հաստատել են այդ գործընթացին հետագա աջակցության ցուցաբերելու ու հրադադարի ռեժիմի պահպանելու կարևորությունը: