ԱՄՆ-ը փորձարկել է անձնակազմ չունեցող մոտորանավակներ (տեսանյութ)
Ռուսական Интерфакс լրատվական գործակալության փոխանցմամբ՝ ԱՄՆ-ում պատրաստվում են սպառազինության մեջ ընդունել անձնակազմ չունեցող պարեկային մոտորանավակներ, որոնք ավտոմատ ռեժիմով կուղեկցեն խոշոր ռազմանավերին:
Այս մասին հայտարարել է ԱՄՆ ռազմածովային ուժերի ներկայացուցիչ Մեթյու Կլանդերը: Նրա խոսքերով՝ օգոստոսին 11 մետր երկարությամբ այդ մոտորանավակները փորձարկվել են Վիրջինիա նահանգում՝ Ջեյմս գետում: 1 ռազմանավ նմանատիպ 13 մոտորանավակի ուղեկցությամբ ուղարկվել է հետևելու պայմանական կասկածելի նավի:
Թիրախը շրջապատվել է, ինչը գլխավոր նավին հնարավորություն է տվել անվտանգ անցնել նրա մոտակայքով: Կլանդերի խոսքերով՝ այդ մոտորանավակների վրա կարող են տեղակայվել գնդացիրներ, իսկ մեկ մարդը հետևելու է մինչև 20 այդպիսի մոտորանավակի գործողություններին:
