«Աէրոֆլոտ» ավիաընկերությունը Թբիլիսիի ուղղությամբ կանոնավոր չվերթները կսկսի հոկտեմբերի 27-ից
Ռուսական РИА Новости լրատվական գործակալության փոխանցմամբ` ռուսական «Աէրոֆլոտ» ավիաընկերությունը Թբիլիսիի ուղղությամբ կանոնավոր չվերթները սկսելու են այս տարվա հոկտեմբերի 27-ից: Այս մասին հայտնել է Թբիլիսիի միջազգային օդանավակայանի տեղեկատվական բյուրոն:
Ներկայումս հայտնի չէ, թե ինչ հաճախականությամբ կիրականացվեն այդ չվերթները: Հայտնի չէ նաև, թե երբ կմեկնարկեն դեպի Թբիլիսի ռուսական մյուս ավիաընկերությունների չվերթները: Ռուսաստանի ու Վրաստանի միջև կանոնավոր ավիահաղորդակցությունը վերացվել է 2008 թվականի օգոստոսյան պատերազմի պատճառով:
Սեպտեմբերի 15-ին «Ռոսավիացիան» «Աէրոֆլոտ» ընկերությանն ու ռուսական այլ ավիաընկերությունների թույլատրեց վերականգնել երկու երկրների միջև կանոնավոր ավիահաղորդակցությունը:
