Ուկրաինան ԵՄ-ին անդամակցելու հայտ կներկայացնի 2020 թվականին. Պորոշենկո
РБК-Украина-ի փոխանցմամբ՝ Ուկրաինան ԵՄ-ին անդամակցելու հայտ կներկայացնի 2020 թվականին: Այս մասին հայտարարել է Ուկրաինայի նախագահ Պյոտր Պորոշենկոն: Նա պատրաստել է «Ռազմավարություն – 2020» բարեփոխումների ծրագիրը, որը պլանավորված է իրականացնել առաջիկա տարիներին:
Պորոշենկոն հայտարարել է, որ դրա շրջանակներում նախատեսվում է իրականացնել 60 բարեփոխում, հատուկ ծրագրեր, որպեսզի Ուկրաինան կարողանա 6 տարի անց ներկայացնել ԵՄ-ին անդամակցելու հայտ: Պորոշենկոն պլանավորել է տվյալ ծրագիրը ներկայացնել այսօր:
